Footer

Contact

Chief editor

About us

Kontakt

Ansvarleg redaktør

Om oss

Close

Home

Museums

Exhibitions

Lukk

Aktuelt

Arrangement

Frivilligheit

Formidling

Heim

Kunnskap

 Musea våre

Samarbeid

Utleige

Utstillingar

Meny

Musea

Stiftinga Viti er den største kulturinstitusjonen mellom Bergen og Trondheim, med 63 tilsette. Viti driftar og forvaltar Jugendstilsenteret og KUBE i Ålesund, Fiskerimuseet i Ålesund, Sunnmøre museum i Ålesund, Middelaldermuseet i Ålesund, Naturmuseet i Sykkylven, Møbelmuseet i Sykkylven, Sivert Aarflot-museet i Volda, Anders Svor-museet i Hornindal, Brudavolltunet i Ørsta, Folkemusikkarkivet og ei rekkje flytande kulturminne, mellom anna bankskøyta Storeggen av Aalesund og shetlandsbussen Heland. 

Viti er ein del av Kystverkmusea og The Réseau Art Nouveau Network.

Viti er regionmuseet for Sunnmøre og forvaltar kulturhistorie, kunst og ikkje-materiell kulturarv på vegner av samfunnet. Vi har aktivitetar i alle kommunane på Sunnmøre, gjennom arrangement, digitale opplevingar, drift av arenaer, turnear, innsamling, dokumentasjon og bevaring, formidling, forvaltning og forsking. Du kan lese meir om samlingane våre under arenaer. Viti skal vere ein møtestad for kunnskap og opplevingar. Grunnlaget for kunnskap og opplevingar ligg i samlingane våre. Vi forvaltar store gjenstandssamlingar og kunstsamlingar, kulturhistoriske bygningar og båtar. 

Viti har også store arkiv, mellom anna fleire millionar foto. Musea er underlagde demokratisk kontroll og får tildelt oppgåver etter offentleg mandat. Vi har offentleg finansiering gjennom tildelingar frå kulturdepartementet, samferdselsdepartementet, Møre og Romsdal fylkeskommune og kommunane vi har samarbeidsavtale med. I tillegg har Viti eigeninntekter frå sal og prosjektinntekter gjennom samarbeid med andre. Viti har lokale, regionale, nasjonale og internasjonale oppgåver. Vi er ein del av Kystverkmusea og er nasjonalt kompetansesenter for jugendstil. Viti er medlem av Intern

Styret i Viti er det høgaste organet i organisasjonen. Viti er leidd av eit profesjonelt, kompetansesamansett styre. Styret sine oppgåver er fastsette i vedtektene. Styret leier stiftinga si verksemd i samsvar med vedtekter, lover, avtalar og føringar frå offentlege styresmakter. Styret vedtek budsjett og godkjenner årsmelding og revidert rekneskap. Administrerande direktør er sekretær for styret. Styret har armlengds avstand til den daglege drifta. Framlegg til styremedlemmer kjem frå valkomiteen, og det er årsmøtet som vel styret. Styret har òg representantar frå dei tilsette, som er valde av dei tilsette. 

Solfrid Otterholm, styremedlem vald av dei tilsette

Stein Arne Fauske, styremedlem vald av dei tilsette

Vara:
1. Kari Aslaug Hasle
2. Per Ivar Lie
3. Trine Røssevoll

Vara for tilsette:
1. Lars Leine
2. Richard Lindin

Viti er leidd av ein administrerande direktør, som har det faglege og administrative ansvaret for organisasjonen. I tllegg har Viti tre fagdirektørar og ein administrasjonssjef. Dei fem utgjer leiargruppa i Viti. 

Audhild Gregoriusdotter Rotevatn, administrerande direktør 


Rotevatn har mastergrad i nynorsk skriftkultur, er i tillegg utdanna journalist og har studert statsvitskap og nordisk språk. Ho har arbeidd som journalist og redaktør mellom anna i NRK og som dekan ved Høgskulen i Volda. Rotevatnsit som styremedlem i Norsk ICOM,  er juryleiar for Statens klarspråkprisar og har hatt ei rekkje nasjonale verv innanfor kultur, medium, språk og personvern. Hennar største faglege interesser er demokrati og ytringsfridom, formidling, journalistikk, museumsetikk, den offentlege samtalen og digital skriftkultur. 




Holen er utdanna MA i kunsthistorie med samtidskunst som spesialfelt, og har i tillegg utdanning på masternivå i Skapande kuratorpraksis. Ho har omfattande prosjektleiarerfaring og har kuratert fleire store utstillingar og programrekkjer, og har vore redaktør for fleire kunstfaglege publikasjonar. Ho har brei erfaring frå kulturfeltet og har mellom anna arbeidd ved KODE i Bergen og Bymuseet i Bergen. Før ho vart fagdirektør for kunst i VITI har ho vore kurator ved Jugendstilsenteret og KUBE. Holen har hatt faglege utanlandsopphald som curator-in-residence i New York og Gdansk. I tillegg til erfaring frå ulike styreverv har ho vore frilansskribent, gjesteforelesar og sensor.




Akslen er utdanna cand.philol. med hovudfag i historie. Han har brei museumserfaring både innanfor forvaltning, formidling og museumsleiing frå ulike stillingar ved Bymuseet i Bergen, Stiftelsen Kulturkvartalet og Viti. Han har arbeidd med ei rekkje ulike historiske emne og er engasjert i redaksjonelt lokalhistorisk arbeid. 



Ingvil Eilertsen Grimstad, fagdirektør kulturhistorisk avdeling 


Grimstad er utdanna cand.philol. med hovudfag i historie. Ho har hatt fleire stillingar ved den tidlegare arbeidsstaden sin, Stiftelsen Kulturkvartalet og Aalesunds museum. Ho har hovudsakleg arbeidd med utstillings- og formidlingsarbeid. Grimstad har vore leiar i Sunnmøre historielag og redaktør for Årbok for Sunnmøre sidan 2015. Ho arbeider for tida også med forsking kring førestillingar og konstruksjon av identitet i lokalhistorierørsla. 



Christel Martinussen, administrasjonssjef 


Martinussen er utdanna cand.mag. med fagkrinsen engelsk, samanliknande politikk og russisk. Ho har òg ein bachelorgrad i økonomi og administrasjon, og autorisasjon som rekneskapsførar frå Finanstilsynet. I tillegg har ho studert prosjektleiing. Ho underviste i engelsk og russisk språk i den vidaregåande skulen før ho tok økonomiutdanning, og har sidan 2005 erfaring som økonom frå både privat og offentleg verksemd, mellom anna frå Universitetssenteret på Svalbard. I Viti har Martinussen ansvar for regionmuseet sin administrasjon, med oppgåver på områda budsjett og økonomi, HR og personalsystem, IKT og funksjonane innanfor marknad og publikumsmottak.

Viti har 45 årsverk og ei rekkje sesong- og deltidstilsette. Viti er organisert etter faglinjene i tre avdelingar – kunst, samlingsforvalting og formidling – og har ein felles administrasjon. 

Dei tilsette har kontor fleire stader: I Ålesund (Sunnmøre museum og Jugendstilsenteret/KUBE), i Hornindal (Anders Svor- museet), på Gjerdmundnes (Landbruksmuseet), i Volda sentrum og i Sykkylven. 

Viti har ansvaret for to fellesfunksjonar for musea i Møre og Romsdal og har fagtilsette som arbeider med desse fellesoppgåvene: 

Folkemusikk, ved Anna Gjendem 
Formidling, ved Ingvil Naalsund 

Viti er òg ein del av Kystverkmusea, som er eit nettverksmuseum for Kystverket, samansett av fem ulike og frittståande museum. 

Viti er ein kunnskapsorganisasjon med høgt kompetente medarbeidarar. Hos oss finn du arkeologar, historikarar, kunstkuratorar, formidlarar, tilsette med spisskompetanse på folkedans og folkemusikk, møbelindustri og møbeldesign, naturen vår, landbruk, skriftkultur, tekstil og bunader, båtbyggjartradisjonar, fyr- og lostenesta, fiskeri, byhistorie, pedagogar med undervisningskompetanse, antikvariske snikkarar, kommunikasjonsrådgivarar, personalleiing, økonomi og mykje meir. Viti samarbeider med fleire utdanningsinstitusjonar

Viti er ei allmenn stifting, og vedtektene er det viktigaste grunnlagsdokumentet vårt. 

Strategiplanen er ein operasjonell plan over dei viktigaste satsingsområda for kulturinstitusjonen Viti i 2022–2026.

Oppgåvene til årsmøtet er fastsette i vedtektene. Årsmøtet vel styreleiar og medlemmer av styret etter innstilling frå valkomiteen. Årsmøtet skal uttale seg om styret si årsmelding og den reviderte rekneskapen for siste kalenderår. Årsmøtet kan òg uttale seg om andre saker som styret legg fram for årsmøtet. Årsmøtet vel valkomité og revisor, fastset godtgjersle til styret, styreleiaren og delegatar til årsmøtet. 
Årsmeldinga kan du lese her: 

Museumsvesenet på Sunnmøre har lange og sterke tradisjonar. Sunnmøre museum er det eldste museet i regionmuseet og fylte nitti år i 2021. Viti er i dag eit moderne, konsolidert regionmuseum, med ein organisasjon og ei fagleg leiing. I 2019 gjekk Folkemusikkarkivet, Stiftinga Sunnmøre museum og Stiftinga Kunstkvartalet (Jugendstilsenteret og KUBE) saman og danna stiftinga Musea på Sunnmøre. Musea fekk då nytt styre, og Audhild Gregoriusdotter Rotevatn vart i 2020 tilsett som den første direktøren i den nye museumsstiftinga. I 2021 vart trinn to i konsolideringa fullført, då gjekk Anders Svor-museet i Hornindal i Volda, Brudavolltunet i Ørsta, Dalsfjord fyrmuseum, Naturmuseet i Sykkylven og Møbelmuseet i Sykkylven inn i regionmuseet. Sommaren 2021 tok stiftinga namnet Viti. 

Viti driv verksemd i alle kommunane, i og utanfor arenaene. Vi har fysiske arenaer ulike stader på Sunnmøre og i Vestnes kommune, til saman 14 arenaer. Du kan lese meir om kvar enkelt arena under "musea våre". 

Viti har ein nyoppussa kafé i Borgundgavlen og fleire museumsbutikkar, med spennande og eksklusive varer i alle prisklasser.

Viti tek kvart år imot rause donasjonar frå andre, inkludert privatpersonar, både pengegåver og gjenstandar. Dette er viktige tilskot til musea for å ta vare på kulturarv og kunst for framtida. Som profesjonell kulturinstitusjon er Viti forplikta til å forvalte gjenstandane etter internasjonale standardar. Ved tilbod om donasjon vert det først gjort ei fagleg vurdering av kvar enkelt gjenstand, sett opp mot eksisterande samling og innsamlingsplanen vår. Oversikt over donerte gjenstandar finn du i årsmeldingane.

Viti har fleire temperaturregulerte og brannsikre gjenstandsmagasin. Magasinplass kan i visse tilfelle leigast ut til andre museum utanfor regionmuseet, offentlege eller private verksemder eller privatpersonar, etter nærmare avtale og faste prisar. 

For tida har vi ikkje magasinkapasitet å leige ut

English

Kva ser du etter?

Søk

Lukk