Barn av si tid

I “Barn av si tid”  får elevane ta del i vår felles kulturarv innan dans, song og leik. Kva er likt, og kva er ulikt med leiken elevane leikar i dag?

Til alle tider har barn leika. Leiken utviklar seg og endrar seg over tid. I verkstaden «Barn av si tid» får elevane ta del i eldre barneleikar og dans i lag med formidlarar frå museet. Vi skal mellom anna prøve å «strekke kalveskinn», sparke hatt og «tre nåla». Vi skal leike «slå på ringen», «Kari og Knut siste par ut» og danse. Liknar dette på leikane dei nyttar i friminutta og på fritida i dag?

Formidlingsopplegget vert gjennomført på den einskilde skule. Produksjonen er eit tilbod gjennom den lokale Kultursekken i kommunane Ørsta og Volda (?).

«Barn av si tid» er kulturarvformidling laga av Folkemusikkarkivet (fellesteneste for musea i Møre og Romsdal).