Terrassehagen kommer til Ålesund

Eivind Bjørkgård Moe, kjend som Terrassehagen på Instagram, kjem til Ålesund for å dele dei beste tipsa sine, sine erfaringar og sine favorittplantar.

Frå ein terrassehage på berre 50 m² til ein frodig hage på rundt eit halvt mål – Eivind viser korleis smarte planteval, spennande kombinasjonar, høgder, former og kontrastar kan skape ein hage med djupne, variasjon og små overraskingar rundt kvar sving.

Du får blant anna høyre om:

• Korleis skape ein frodig hage – òg på liten plass.
• Plantar som gir blomstring gjennom heile sesongen.
• Bruk av staudar, tre og prydgras for å skape heilskap.
• Favorittar som japanske lønner og hakonegras.
• Korleis byggje gode sosiale soner i hagen.

Dette blir ein kveld full av hageglede, inspirasjon og konkrete idéar du kan ta med heim – anten du er fersk hageeigar eller har grøne fingrar frå før. Vi sel lodd i pausen og har fine premiar som alltid. Det blir òg høve til å stille spørsmål og få gode svar.

Ålesund og omegn hagelag gler seg til å sjå både nye og gamle hagevener!