Stordalsholmens mange roller gjennom tidene

Merk tidspunkt.

Sunnmøre museumslag ønskjer velkomen til søndagsforedrag med Jon Slyngstad.

Gjennom historier som har blitt fortalde vidare gjennom generasjonar får vi lære om menneske og arbeidsliv, og den sentrale rolla holmen hadde innan handel og samferdsle i regionen.

Vi får høyre om ishuset og laksefisket, og om Gunder Myhre som heldt til på Stordalsholmen frå 1839. Her var det både handel, gjesteheim og skjenkestove, i tillegg til båtbygging og jektefart. Jon Slyngstad vil ta føre seg alt frå husbygging, sagbruk, utmarkslått, seterdrift og klyving i svimlande fjellstigar. Kråkholmen yst på neset var bustad ei tid, men har også ei mørkare historie som avrettingsstad for trollkvinner og brotskvinner. Sogn og soger strekkjer seg heilt attende til Heilag Olav sitt kveldssete vinteren 1028-1029 innanfor Stordalsholmen.