Møbelvandring i Volda

Volda hadde for nokre tiår sidan ein allsidig møbelindustri. Dei fleste bedriftene var lokalisert langs Øyraelva. No er desse bedriftene historie, men minna lever. Søndag 31. mai kl. 16.00 inviterer vi til vandring i fotefara til møbelprodusentane.

Volda var for nokre tiår sidan ein del av det rike møbelmiljøet på Sunnmøre. Åslids Møbelfabrikk, Volda Lenestolfabrikk, Brødrene Bjørneset, Sundal & Halkjelsvik laga førsteklasses møblar som vart verdsette av kundar i både inn- og utland.