Kom deg ut-dagen på Sunnmøre museum!

Denne dagen har vi samla mange friluftslivsorganisasjonar som inviterer til mange og varierte aktivitetar for barn og vaksne. Det er gratis å delta, og det er ikkje nødvendig med påmelding.

Ta med familie og vener og KOM DEG UT!

Friluftsdagen er òg ein del av Ålesund Gatefestival, som går frå torsdag til søndag.

Sunnmøre Museum er eit vakkert friluftsområde som blir mykje brukt til både opplevingar og rekreasjon. Denne søndagen kan du møte mange ulike organisasjonar som arbeider med friluftsliv og fysisk aktivitet. Dette blir tilrådd for barn i alle aldrar i følgje med vaksne.

Kaféen på Sunnmøre Museum er ope frå 10-17.

Sjølvaste Turbo fjellrev, maskoten vår, kjem innom for å helse på.

Museumsområdet er ope og tilgjengeleg denne dagen. Aktivitetane startar kl. 11.00 og blir avslutta kl. 14.00. Du kan kome når du vil og vere så lenge du ønskjer.

Adkomst

Det er avgrensa med parkering, så vi tilrår at flest mogleg går, syklar eller tek bussen hit.

Ta med

• Kle deg etter vêret.
• Ta med tallerken, kopp og bestikk, så slepp vi unødvendig avfall.

Arrangementet er gratis og ope for alle.