Førjulssøndag på Sunnmøre museum

Bak peparkaker og potetkaker, smak på tradisjonbakst og nyt ein kopp varm gløgg.

Dypp stearinlys, lag julehjarte, kubbenissar, julekorger og perlehjarte.

Snekre småbåt, slå båtnaglar og prøv smikunsten. Høyr spanande eventyr, løys rebus og mykje meir!

I Åkre bedehus går vi rundt juletreet med song og musikk.

Torader i Nordvest fyller Yttarlandstova med lystige tonar og vi får besøk av stjernejenter og stjernegutar frå Steinerskulen – med lys, lykter og vakker song.

På området finn du små buder med sal av alt frå pleiande kremar og urtesåper til vakre dekorasjonar og flotte saueskinn.

Og innimellom - ta ein pust i bakken i stemningsfylte Ytterlandstova med ein kopp kaffi, ei lun svele eller ein nysteikt vaffel.

I museumskafeen har vi nydeleg rømmegraut, smakfulle pølser, søte kaker og nysteikte sveler, varm kakao og nykverna kaffi!

Velkomen til ein aktivitetsrik og kjekk førjulssøndag for heile familien!